Serdar Berdimuhamedow Dubaýda Bütindünýä howa forumynyň açylyş dabarasyna gatnaşdy

  • 01.12.2023 15:18
  • 14k+

Şu gün, 1-nji dekabrda Dubaýda ýylyň klimat bilen bagly iň iri çäresi — BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň 28-nji maslahatynyň umumy mejlisi (COP-28) öz işine başlady. «Dubai EXPO City» sergiler merkezinde geçirilýän mejlise Türkmenistanyň Prezidenti Serdar Berdimuhamedow hem gatnaşdy.

Sammite gatnaşýan döwlet we hökümet Baştutanlary «Al Wasl» dabaralar merkezine ýygnandylar. Bu ýerde Serdar Berdimuhamedow Birleşen Arap Emirlikleriniň Prezidenti Şeýh Mohammed bin Zaýed Al Nahaýýan hem-de BMG-niň Baş sekretary Antoniu Guterriş tarapyndan garşylandy.
Soňra «Dubai EXPO City» sergiler merkeziniň çäginde ýerleşýän «Al Waha» teatrynda Bütindünýä howa sammitiniň açylyş dabarasy boldy. Günüň ikinji ýarymynda «COP-28» maslahatynyň plenar mejlisi öz işine başlady. Serdar Berdimuhamedow mejlisde çykyş edip, ählumumy gün tertibiniň derwaýys meseleleriniň biri hasaplanýan howanyň üýtgemegine garşy göreşmek boýunça ýurdumyzda durmuşa geçirilen anyk çärelere ünsi çekip, bu babatda ileri tutulýan garaýyşlary beýan eder diýip, «Türkmenistan» gazetiniň elektron neşiri habar berýär.
Howa boýunça sammitleriň taryhynda iň köp wekil (70 müňden gowrak) gatnaşýan maslahat hökmünde ykrar edilen «COP-28-iň» gün tertibi howanyň üýtgemegine garşy göreşmegiň halkara maliýe binýadyny güýçlendirmek, bu ugurdaky hereketleri maliýeleşdirmekde hususy pudagy höweslendirmek; zeper we ýitgi gaznasynyň işini işjeňleşdirmek; azyk howpsuzlygyny üpjün etmek; suw meselelerini netijeli çözmek ýaly ugurlary öz içine alýar. Plenar mejlisler bilen birlikde, iki hepdäniň dowamynda howa meselelerine bagyşlanan ugurdaş çäreleriň hem ýüzlerçesi geçiriler.


şu gün 13:26
132

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...

şu gün 11:59
1k+

Serdar Berdimuhamedow Koreýa Respublikasynyň Prezidentini dekabrdaky halkara foruma çagyrdy

29-njy awgustda Prezident Serdar Berdimuhamedow bilen Koreýa Respublikasynyň Prezidenti Li Çže Mýonyň arasynda telefon arkaly söhbetdeşlik geçirildi. Bu barada TDH habar berýär. Serdar Berdimuhamedow Li Çže Mýony Koreýa Respublikasynyň Prezidenti wezipesine saýlanylmagy bilen gutlap, oňa jogapkärli döwlet işinde uly üstünlikleri arzuw etdi...

şu gün 11:52
2.6k+

Gurbanguly Berdimuhamedow Aşgabatda täze uniwersitetiň açylyş dabarasyna gatnaşar

Prezident Serdar Berdimuhamedow Hökümet mejlisiniň barşynda 1-nji sentýabrda Bilimler we talyp ýaşlar güni mynasybetli ýurdumyzda birnäçe bilim edaralarynyň açylyp ulanylmaga beriljekdigini aýtdy. Hususan-da, Aşgabat şäherinde Halkara senagatçylar we telekeçiler uniwersiteti, Mary şäherinde Türkmenistanyň Döwlet energetika institutynyň täze goşmaça okuw binasy dabaraly ýagdaýda açylyp ulanmaga berler...

şu gün 11:45
573

Türkmenistan BMG-niň Baş Assambleýasynyň 80-nji sessiýasynda ileri tutýan garaýyşlaryny taýýarlady

Türkmenistanyň Daşary işler ministrligi BMG-niň Baş Assambleýasynyň 80-nji ýubileý sessiýasyna taýýarlyk görmegiň çäklerinde öňümizdäki syýasy ýyl üçin Türkmenistanyň ileri tutýan garaýyşlaryny taýýarlady. Bu garaýyşlary 29-njy awgustda Hökümet mejlisinde wise-premýer, daşary işler ministri R...