Türkmenistanyň Saglygy goraýyş we derman senagaty ministri plastiki hirurgiýa ugry boýunça saglygy goraýyş kömegini bermegiň tertibini tassyklady. Bu resminama 2023-nji ýylyň 16-njy noýabrynda Türkmenistanyň Adalat ministrligi tarapyndan döwlet belligine alyndy.
Bu resminamada Türkmenistanyň döwlet saglygy goraýyş edaralarynda plastiki hirurgiýa ugry boýunça saglygy goraýyş kömegini bermegiň tertibi düzgünleşdirilýär.
Bellenilişi ýaly, plastiki hirurgiýa ugry boýunça saglygy goraýyş kömegi aşakdaky görnüşlerde berilýär:
- ilkinji saglygy goraýyş-sanitariýa kömegi;
- tiz saglygy goraýyş kömegi, şol sanda ýöriteleşdirilen tiz saglygy goraýyş kömegi;
- ýokary tehnologiýaly kömeginiň ulanylmazlygynda ýöriteleşdirilen saglygy goraýyş kömegi;
- meýilnamalaýyn kömegi – öňüni alyş çäreleri geçirilen mahalynda, näsagyň janyna we saglygyna howp döretmeýän we bejermegiň belli bir wagta yza süýşürilmegi näsagyň ýagdaýynyň ýaramazlaşmagyna getirmeýän mahalynda we ýagdaýlarda.
Resminama dolulygyna Türkmenistanyň Adalat ministrliginiň Hukuk maglumatlar merkezinde çap edildi.
Doly okamak üçin şu salga basyň.
