Şu gün, 3-nji noýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Astana iş saparynyň çäklerinde Türki Döwletleriň Guramasynyň döwlet Baştutanlarynyň X Sammitiniň kabul edişligine gatnaşdy.
Gazagystan Respublikasyna iş saparynyň maksatnamasy tamamlanandan soňra, Gurbanguly Berdimuhamedow Astananyň Nursultan Nazarbaýew adyndaky Halkara howa menziline ugrady.
Bu ýerde türkmen halkynyň Milli Liderini Gazagystanyň Premýer-ministri Alihan Smailow we doganlyk ýurduň beýleki resmi adamlary ugratdylar.
Birnäçe wagtdan soňra, Gurbanguly Berdimuhamedowyň uçary Aşgabadyň Halkara howa menziline gondy.
Howa menzilinde Gurbanguly Berdimuhamedow Gazagystan Respublikasynyň Türkmenistandaky Adatdan daşary we Doly ygtyýarly ilçisi bilen söhbetdeş boldy.
