Türkmenistan Azerbaýjanyň üsti bilen dünýä bazaryna tebigy gazyny eksport edip biler. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow anna güni Astanada Türki Döwletleriň Guramasynyň 10-njy sammitinde eden çykyşynda belledi diýip, Trend agentligi ýetirýär.
«Biz şeýle hem doganlyk Azeraýjanyň üsti bilen elektrik energiýamyzy hem eksport edip bileris» - diýip, Gurbanguly Berdimuhamedow belledi.
Gurbanguly Berdimuhamedow sammitde Aşgabadyň Türki Döwletleriň Guramasynyň çäklerinde özara peýdaly hyzmatdaşlygy has-da giňeltmek baradaky başga-da birnäçe pikirlerini beýan edýär.
