Eýranyň Türkmenistandaky ilçisi diplomatik işini tamamlaýar

  • 29.10.2023 15:12
  • 6.3k+
Eýranyň Türkmenistandaky ilçisi diplomatik işini tamamlaýar

28-nji oktýabrda Türkmenistanyň Daşary işler ministri Raşid Meredow Türkmenistandaky diplomatik işini tamamlaýan Eýran Yslam Respublikasynyň Adatdan daşary we Doly ygtyýarly Ilçisi Golam Abbas Arbab Khales bilen duşuşdy. Bu barada ýurdumyzyň daşary syýasat edarasynyň saýty habar berýär.

Duşuşykda taraplar ikitaraplaýyn hyzmatdaşlygyň we onuň giňeltmek bilen bagly birnäçe meselelerini ara alyp maslahatlaşdylar. Bu babatda, 2023-nji ýylyň 30-31-nji maýynda Türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň Eýrana amala aşyran saparynyň ähmiýeti nygtaldy we bu saparyň dowamynda gazanylan ylalaşyklaryň durmuşa geçirilmegi barada umumy pikir beýan edildi.
Duşuşygyň ahyrynda R.Meredow Eýranyň ilçisine türkmen-eýran gatnaşyklaryny ösdürmekde alyp baran işleri üçin minnetdarlyk bildirdi we geljekki işinde üstünlik arzuw etdi.
Eýranyň ilçisi hem öz gezeginde Türkmenistanda diplomatik missiýasynyň durmuşa geçirilmegine goldaw we ýardam berendigi üçin türkmen tarapyna minnetdarlyk bildirdi.

Türkmenistanda oba hojalygynda biotehnologiýalara bagyşlanan II halkara ylmy-amaly maslahat geçirildi
şu gün 12:56
46

Türkmenistanda oba hojalygynda biotehnologiýalara bagyşlanan II halkara ylmy-amaly maslahat geçirildi

Türkmen oba hojalyk institutynda «Oba hojalyk pudagynyň durnukly ösüşinde biotehnologiýalaryň orny» atly sanly ulgam arkaly II halkara ylmy-amaly maslahat geçirildi. Institutyň metbugat gullugynyň habar bermegine görä, forum ýurdumyzyň agrar-senagat toplumyny tehnologik taýdan döwrebaplaşdyrmagy ara alyp maslahatlaşmak üçin möhüm meýdança öwrüldi...

Türkmenistanyň Prezidenti Kataryň Emirini ýurduň Milli güni bilen gutlady
şu gün 11:06
309

Türkmenistanyň Prezidenti Kataryň Emirini ýurduň Milli güni bilen gutlady

Prezident Serdar Berdimuhamedow Katar Döwletiniň Emiri Şeýh Tamim bin Hamad Al Tanä we ýurduň ähli halkyna Katar Döwletiniň Milli güni mynasybetli mähirli gutlaglaryny, iň gowy arzuwlaryny iberdi. Döwlet Baştutany hatynda...

Serdar Berdimuhamedow iş sapary bilen Ýaponiýa bardy
şu gün 09:35
2.7k+

Serdar Berdimuhamedow iş sapary bilen Ýaponiýa bardy

17-nji dekabrda Prezident Serdar Berdimuhamedow “Merkezi Aziýa — Ýaponiýa” dialogynyň birinji sammitine gatnaşmak üçin iş sapary bilen Ýaponiýa ugrady. Aşgabadyň Halkara howa menzilinde döwlet Baştutanymyzy ýurdumyzyň resmi adamlary ugratdylar...

Türkmenistanyň DIM-nde Awstriýa-Türkmen jemgyýetiniň ýolbaşçysy bilen duşuşyk geçirildi
düýn 12:28
1.8k+

Türkmenistanyň DIM-nde Awstriýa-Türkmen jemgyýetiniň ýolbaşçysy bilen duşuşyk geçirildi

15-nji dekabrda Türkmenistanyň daşary işler ministriniň orunbasary Mähri Bäşimowa Awstriýa-Türkmen jemgyýetiniň ýolbaşçysy Neda Berger bilen duşuşyk geçirdi. Türkmenistanyň DIM-niň habar bermegine görä, duşuşygyň dowamynda taraplar iki ýurduň arasyndaky gatnaşyklaryň, aýratyn-da, medeni-ynsanperwer ugurda hyzmatdaşlygyň netijeli häsiýete eýedigini bellediler...