Türkmenistanyň Saglygy goraýyş ministrligi möwsümleýin keselleriň öňüni almak bilen bagly käbir buýruklary güýjüni ýitiren diýip ykrar etdi

  • 19.10.2023 19:48
  • 13k+

Türkmenistanyň Saglygy goraýyş we derman senagaty ministrligi ilatyň arasynda möwsümleýin ýokanç keselleriň öňüni almak üçin wagtlaýyn hökmany çäreleri girizmek bilen baglanyşykly kabul edilen buýruklary güýjüni ýitiren diýip yglan etdi.

Degişli resminamanyň teksti Türkmenistanyň Adalat ministrliginiň hukuk maglumatlar merkezinde çap edildi. Resminama bilen dolulygyna şu salgyda tanşyp bilersiňiz.
Resminama laýyklykda, Saglygy goraýyş we derman senagaty ministrligi 2020-nji ýylda «Ilatyň arasynda möwsümleýin ýokanç keselleriň öňüni almak üçin wagtlaýyn hökmany çäreleri girizmek barada» kabul edilen 237 belgili buýrugy we 2022-nji ýylda kabul edilen ýokarda görkezilen resmanama üýtgetmeler girizmek hakyndaky 245 belgili buýrugy güýjüni ýitiren diýip yglan etdi.
Saglygy goraýyş ministrliginiň ozal kabul edilen ýokarda agzalan resminamalaryň güýjüni ýitiren diýip ykrar etmek baradaky 461 belgili buýrugy 2023-nji ýylyň 20-nji sentýabrynda kabul edildi we Türkmenistanyň Adalat ministrligi tarapyndan 2023-nji ýylyň 13-nji oktýabrynda 1740 belgide hasaba alyndy.


22.08.2025 15:19
4.1k+

Dişleriň sagdyn bolmagy üçin: Russiýada düzüminde probiotikler bolan sakgyç döredildi

Seçenow uniwersitetiniň hünärmenleri probiotiklerden we prebiotiklerden düzülen çeýnelýän sakgyç döretdiler. Uniwersitetiň metbugat gullugynyň habaryna görä, täze önüme «Reteriks» diýlip at berildi. Onuň maksady – kariýesiň, gingiwitiň we beýleki stomatologik keselleriň töwekgelçiligini azaltmakdyr...

22.08.2025 08:21
4k+

Russiýaly alymlar pnewmoniýany we meningiti oýaryjyny dargadýan wirusy tapdylar

Sibir Ylymlar akademiýasynyň (SO RAN) Himiýa-biologiýa we fundamental lukmançylyk institutynyň hünärmenleri pnewmoniýa, meningit, sepsis döredýän we köplenç hassahanalarda giňden duş gelýän howply bakteriýany ýok edip bilýän täze wirus-bakteriofagy açdylar diýip, «Nauka v Sibiri» neşiri habar berýär...

18.08.2025 10:02
2k+

ABŞ-da düzgünleşdiriji dowamly öýken keselini bejermek üçin ilkinji derman serişdesini tassyklady

ABŞ-nyň Azyk önümleriniň hiline we derman serişdelerine gözegilik müdirligi (FDA) Insmed kompaniýasynyň mukowissidozsyz bronhoektazlary bejermek üçin niýetlenen Brinsupri dermanyny tassyklady. Bu dowamly öýken keseli dem alyş ýollarynyň öwezini dolup bolmajak zeperlenmesi, dowamly üsgülewük we nemiň  artykmaç bölünip çykmagy bilen utgaşýar diýip, Reuters ýazýar...

18.08.2025 08:54
6.7k+

Oguljahan Atabaýewa “Arkadag Medisina Klasteri” toplumynyň gurluşygynyň barşy bilen tanyşdy

16-njy awgustda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa Arkadag şäherine baryp gördi...