Ministrler Kabinetiniň Başlygynyň orunbasary T.Atahallyýew Türkmenistanyň Prezidentiniň tabşyrygy boýunça Aşgabat şäheri we Mary welaýaty boýunça iş saparyny amala aşyrdy. Wise-premýer ýurdumyzyň Garaşsyzlygynyň 32 ýyllygy mynasybetli döwlet derejesindäki baýramçylyk çärelerine taýýarlyk görlüşi, Mary welaýatynyň etraplarynda ýaýbaňlandyrylan möhüm oba hojalyk işleriniň depgini bilen tanyşdy.
Wise-premýer Arkadag şäheriniň ýakynynda ýerleşýän Halkara ahalteke atçylyk sport toplumyna geldi. Bu ýerde Türkmenistanyň Garaşsyzlyk güni mynasybetli at çapyşyklary geçiriler we belent ruha beslenen aýdym-sazly çykyşlar bilen utgaşykly dabaralar ýaýbaňlandyrylar.
Soňra Ministrler Kabinetiniň Başlygynyň orunbasary T.Atahallyýewiň iş sapary Mary welaýatynda dowam etdi. Wise-premýer sebitiň ekerançylyk meýdanlaryna aýlanyp gördi.
