Aşgabatda Dünýä türkmenleriniň ynsanperwer birleşiginiň XXIV maslahaty öz işine başlady

  • 20.09.2023 13:24
  • 5.2k+

Şu gün, 20-nji sentýabrda Aşgabatda Dünýä türkmenleriniň ynsanperwer birleşiginiň XXIV maslahaty öz işine başlady.

Prezident Serdar Berdimuhamedow Türkmenistanyň milli baýramy bolan Garaşsyzlyk gününiň öň ýanynda ýokary guramaçylykly geçirilýän bu maslahata gatnaşyjylara Gutlag iberdi.

«Garaşsyzlyk halkymyzyň ykbalyna düýpli täsir etdi hem-de Russiýa Federasiýasynda, Beýik Britaniýada, Germaniýa Federatiw Respublikasynda, Şwesiýada, Türkiýe Respublikasynda, Özbegistan Respublikasynda, Gazagystan Respublikasynda, Gyrgyz Respublikasynda, Täjigistan Respublikasynda, Owganystanda, Pakistan Yslam Respublikasynda, Birleşen Arap Emirliklerinde, Saud Arabystany Patyşalygynda we beýleki ýurtlarda mekan tutan dünýä türkmenlerini beýik Watanymyzyň — Garaşsyz, hemişelik Bitarap Türkmenistanyň mukaddes suprasynyň başyna jemledi» - diýip, Serdar Berdimuhamedow Gutlagynda belledi.
«Biz dünýä döwletleri, şol sanda türkmenleriň kowçum bolup ýaşaýan ýurtlary bilen hoşniýetli gatnaşyklarymyzy, özara bähbitli hyzmatdaşlygy mundan beýläk-de yzygiderli pugtalandyrarys» diýlip, Gutlagda bellenilýär.


düýn 17:40
6.4k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...

düýn 07:32
6.4k+

Antoniu Guterriş Türkmenistanyň Prezidentine hoşallygyny beýan edip hat ýazdy

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Serdar Berdimuhamedowa Awazada BMG-niň maslahatynyň üstünlikli geçirilmegine hoşallyk bildirip hat iberdi. Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty 2025-nji ýylyň 5 — 8-nji awgustynda geçirildi...

27.08.2025 16:43
6.4k+

6-njy sentýabrda Aşgabatda hukuk meseleleri boýunça raýatlaryň jemgyýetçilik kabul edişligi bolar

6-njy sentýabrda Aşgabatda Türkmenistanyň Adalat ministrliginiň binasynda hukuk meseleleri boýunça raýatlaryň jemgyýetçilik kabul edişligi geçiriler. Bu barada «Neýtralnyý Türkmenistan» gazeti habar berýär. Jemgyýetçilik kabul edişligine Türkmenistanyň Adalat ministrliginiň, Baş prokuraturasynyň, Ýokary kazyýetiniň işgärleriniň we Aşgabat şäher adwokatlar kollegiýasynyň agzasy gatnaşar...

27.08.2025 16:22
5.7k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...