Raşid Meredow Duşenbede Merkezi Aziýa ýurtlarynyň daşary işler ministrleriniň geňeşiniň mejlisine gatnaşdy

  • 14.09.2023 06:57
  • 12k+

13-nji sentýabrda Täjigistanyň paýtagty Duşanbe şäherinde Täjigistanyň daşary işler ministri Sirojiddin Muhriddiniň başlyklyk etmeginde Merkezi Aziýa döwletleriniň Baştutanlarynyň Konsultatiw duşuşygynyň çäginde Merkezi Aziýa döwletleriniň daşary işler ministrleriniň duşuşygy geçirildi. Duşuşyga Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň ýolbaşçylygyndaky wekiliýet gatnaşdy.

Täjigistanyň daşary syýasat edarasynyň habar bermegine görä, Merkezi Aziýanyň daşary işler ministrleri Merkezi Aziýa döwletleriniň Baştutanlarynyň Konsultatiw duşuşygynyň gün tertibiniň taslamasyny ara alyp maslahatlaşdylar we ony tassykladylar.
Täjigistanyň daşary işler ministri öz çykyşynda sebit ýurtlarynyň Merkezi Aziýada parahatçylygy, durnuklylygy we howpsuzlygy üpjün etmek bähbitleri üçin açyk we giň özara gatnaşyklara taýýardygyny aýtdy.
Şeýle hem ol Merkezi Aziýa döwletleriniň Baştutanlarynyň Konsultatiw duşuşygynyň çäklerinde Duşanbe şäherinde 16 sany çäräniň geçirilýändigini belledi.
Ministrler Merkezi Aziýanyň dostlukly ýurtlarynyň bilelikdäki ösüşiniň uzak möhletleýin maksatlaryna ýetmegiň açary bolup durýan häzirki meseleleriň giň toparynda yzygiderli we gyzyklanýan özara gatnaşyklaryň esasydygyny biragyzdan aýtdylar.


şu gün 00:36
499

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

düýn 19:50
3.9k+

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.5k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...