Moskwada çapar-kurýer hökmünde çykyş edip, ýollamalary, resminamalary ýa-da azyk önümlerini eltip bermegi başarýan robot-koloboklar synagdan geçirilip başlandy.
«AI Kolobok» diýlip atlandyrylýan robot diametri, takmynan, 40 santimetr bolan özi hereket edýän şardyr. Ol kompýuter görüşine we adamlar bilen aragatnaşyk saklamaga mümkinçilik berýän ses ulgamyna eýedir. Enjam 360 gradus aýlanmak arkaly hereket edýär.
Moskwanyň häkiminiň web sahypasynda habar berlişi ýaly, innowasiýalaryň deslapky synag maksatnamasyna girizilen rus kompaniýasy adaty bolmadyk «çapary» işläp düzdi. Maksatnamanyň iň gowy gatnaşyjylaryna 114 million rubl bölünip berler.
Enjamyň synaglary eýýäm WDNH-da geçirilýär, ýöne şu wagta çenli geçip barýanlar oňa howsalaly çemeleşýärler, käbirleri bolsa ony adaty topdur öýdýärler.
