2023-nji ýylyň ahyryna çenli konteýner ýüklerini daşamak üçin Türkmenbaşy bilen Mahaçkalanyň arasynda ýük gämisiniň ilkinji yzygiderli gatnawyny ýola goýmak meýilleşdirilýär. Bu barada Russiýa Federasiýasynyň Türkmenistandaky söwda wekili Aleksandr Ýelizarow Dagystanyň döwlet häkimiýetleri bilen Mahaçkalada geçirilen duşuşykdan soň habar berdi.
Ýelizarow: "Indi mümkinçilik bar we Türkmenbaşy-Mahaçkala aralygyna ilkinji konteýner gämisini goýbermek meselesine ýeke-täk ýol hökmünde däl-de, <...> adaty hyzmat hökmünde seredilýär. Biz telekeçileriň öňünde ýylyň ahyryna çenli gämi gatnawyny ýola goýmak wezipesini goýduk" - diýdi.
Onuň sözlerine görä, soňky gezek 2011-2012-nji ýyllarda Türkmenbaşy we Mahaçkala portlarynyň arasynda parom hyzmaty bardy.
Söwda wekili sebite eden sapary wagtynda Dagystanyň hökümetiniň başlygy Abdulmuslim Abdulmuslimow bilen duşuşdy.
Abdulmuslimow: "Abraýly kompaniýalar bilen daşary ýurt ykdysady hyzmatdaşlygyny, şol sanda maýa goýum hyzmatdaşlygyny giňeltmek isleýäris. Dost däl ýurtlaryň sanksiýalary we kynçylyklary şertlerinde, 2022-nji ýylda Dagystan Respublikasy bilen Türkmenistanyň arasyndaky söwda dolanyşygynyň, 2021-nji ýyl bilen deňeşdirilende, 5% ýokarlanandygyny we importyň bolsa 80% artandygyny bellemek isleýärin "- diýdi.
Taraplar ulag we logistika, oba hojalygy we medeni pudaklarda hyzmatdaşlygy ösdürmek barada ylalaşdylar.
