16-njy iýunda Arkadag şäherine ekologiýa talaplaryna doly laýyk gelýän döwrebap ulaglar — elektrobuslar, elektromobiller, jemagat we ýöriteleşdirilen gulluk ulaglary sowgat berildi. Bu çäre şäheriň ikinji tapgyrynyň düýbüni tutmak dabarasynyň barşynda geçirildi.
Giň meýdançada Arkadag şäheriniň häkimlikleriniň düzümleri, Gurbanguly Berdimuhamedow adyndaky Çagalar sagaldyş-dikeldiş merkezi, täze şäheriň Saglygy goraýyş müdirligi, Aba Annaýew adyndaky Halkara atçylyk akademiýasy, atçylyk ylmy-önümçilik merkezi, Arkadag şäheriniň Görogly adyndaky döwlet atçylyk sirki, şäheriň maliýe müdirligi, polisiýa müdirligi, Türkmenistanyň Milli howpsuzlyk ministrliginiň Arkadag şäheri boýunça müdirligi, Arkadag şäher prokuraturasy, Türkmenistanyň Döwlet migrasiýa gullugynyň Arkadag şäheri boýunça müdirligi, Arkadag şäher harby wekilligi, Arkadag şäher raýat goranyşy we halas ediş işleri müdirligi we beýleki gulluklar, ýolbaşçy düzümler üçin niýetlenen döwrebap awtoulaglar berildi.
Şeýle hem, şu gün Prezident Serdar Berdimuhamedow Ministrler Kabinetiniň giňişleýin göçme mejlisinde döwlet ähmiýetli Arkadag şäherini durmuş-ykdysady taýdan ösdürmegiň meseleleri bilen bagly resminamalara gol çekdi.
Öň TmCars-yň habar berşi ýaly, 3-nji iýunda türkmen halkynyň Milli Lideri, Gurbanguly Berdimuhamedow Arkadag şäherinde ulanylmagy meýilleşdirilýän döwrebap elektrobuslary we elektromobilleri barlap, synag edip gördi.
