“Kamaz” "Halkara ulag-üstaşyr geçelgeleri: özara arabaglanyşyk we ösüş - 2023" maslahatynyň çäginde Aşgabatda geçirilen sergide öz öndürýän elektrobuslaryny hödürledi diýip, TASS çarşenbe güni habar berdi.
«Kamaz-yň» baş müdiri Sergeý Kogoginiň şu ýylyň ýanwar aýynda habar berşi ýaly, bu kompaniýa synag üçin Türkmenistana öz öndürýän iki sany elektrobusyny iberdi. Aşgabatdaky sergide Kamazyň wekili TASS-yň habarçysy bilen bolan söhbetdeşlikde ulaglary synag etmegiň henizem dowam edýändigini aýtdy.
Mundan başga-da, sergide Russiýanyň kompaniýalaryna Russiýanyň demir ýollary, “Kommaş” (Oryol oblasty, kommunal hyzmatyň tehnikalaryny öndüriji) we “Ak Bars” gämi gurluşyk korporasiýasy (Tatarstan) wekilçilik edýär.
"Halkara ulag-üstaşyr geçelgeleri: özara arabaglanyşyk we ösüş - 2023" atly konferensiýa we sergi 3-4-nji maýda Aşgabatda geçirilýär. Onda ulag we logistika pudagyna degişli ministrlikleriň we kompaniýalaryň wekilleri pudagy ösdürmegiň häzirki möhüm meselelerini we hemmetaraplaýyn ýollaryny ara alyp maslahatlaşylýar.
