Eýranyň Hazar deňziniň kenarýaka döwletleri bilen söwdasy boýunça Türkmenistan umumy bahasy 487,62 million dollarlyk (32,34% ösüş, bu goňşy ýurtlaryň arasynda iň ýokary görkeziji) 1,31 million tonna (6,45% kem) bilen üçünji orny eýeleýär. Muny Financial Tribune neşiriniň Eýran Yslam Respublikasynyň Gümrük müdirliginiň maglumatlaryna salgylanyp çykaran maglumatlary tassyklaýar.
20-nji martda tamamlanan maliýe ýylynda Eýranyň Hazar deňziniň kenarýaka döwletleri bilen söwdasy (çig nebit eksportyny hasaba almazdan) 3,81 milliard dollara deň bolan 6,89 million tonna boldy. Bu geçen ýylyň degişli döwri bilen deňeşdirilende, söwdanyň fiziki göwrümi boýunça 12,78% peselendigini, emma maliýe hasabynda 9.51% ýokarlanandygyny aňladýar.
Russiýa hazarýaka döwletleriň arasynda Eýranyň esasy söwda hyzmatdaşy bolmak bilen, hasabat döwür içinde 2,32 milliard dollarlyk (3,44% ösüş) 4.04 million tonna (17,79% pes) söwda etdi.
Ondan soňky setiri 688.03 million dollarlyk (13,2% ösüş) 784,380 tonna (7,9% kem) bilen Azerbaýjan eýeleýär.
Sanawy 320,14 million dollara deň bolan (20,79% ösüş) 750,955 tonna (3.05% ösüş) bilen Gazagystan jemleýär.
