Amerikaly telekeçi, Tesla, SpaceX we Twitter kompaniýalarynyň ýolbaşçysy Ilon Mask geçen bir günde 13 mlrd dollar ýitirdi. Bu barada Bloomberg agentligi habar berýär diýip, gazeta.ru belleýär.
Materialda maliýe ýagdaýynyň pese gaçmagynyň bir gün öň Tesla-nyň paýnamalarynyň bahasynyň 9,75% peselmegi we SpaceX tarapyndan işlenip düzülen, asmanda bary-ýogy dört minut bolan Starship raketasynyň ýarylmagy bilen baglanyşyklydygy bellenilýär.
“Maskyň baýlygy 12,6 mlrd dollar azaldy, bu hem şu ýyl iň uly pese gaçyş boldy” – diýlip, habarda jemlenilýär.
