Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň düzüminde geljekde derman serişdelerini we çaga iýmitini öndürýän önümçilik kuwwatlyklary dörediler. Bu barada Gurbanguly Berdimuhamedow Arkadag şäherinde Gaznanyň guramaçylyk meselelerine bagyşlap geçiren iş maslahatynda aýtdy.
Türkmen halkynyň Milli Lideri gaznanyň işiniň ugurlaryny giňeltmek, şunda halkara hyzmatdaşlygyny işjeňleşdirmek meseleleriniň wajypdygyny belledi. Gazna tarapyndan berilýän kömek goldawyň, ynsanperwer kömegiň yzygiderli dowam etmegi türkmen halkynyň asyrlaryň dowamynda döreden ýagşy dessurlarynyň netijeli ösdürilýändigini görkezmelidir.
