Gurbanguly Berdimuhamedow Arkadag şäheriniň häkimi Ş.Durdylyýewe Arkadag şäherinde täze döredilen iki etrabyň – Gorjaw we Kärizek etraplarynyň häkimlerini haýal etmän bellemek boýunça teklipleri bermegi tabşyrdy.
Bu barada Halk Maslahatynyň Başlygy 25-nji martda Arkadag şäheriniň guramaçylyk meseleleri boýunça geçiren mejlisinde belledi.
Türkmen halkynyň Milli Lideri dolandyryş düzümleri, müdirlikleri, gulluklary hasaba almak, bu edaralaryň ýolbaşçylaryny we işgärler düzümini saýlap almak hem-de kada-kanunçylyga laýyklykda wezipelere bellemek meselelerine jogapkärli çemeleşmek zerur talaplaryň biridir diýip belledi.
Şeýle hem Gurbanguly Berdimuhamedow wise-premýerlere, degişli ýolbaşçylara ýüzlenip, Arkadag şäheri boýunça entek edaralarda ýolbaşçy düzümleriniň doly tassyklanmadyklarynyň bardygyny belledi we gysga wagtda öz degişli düzümler boýunça ýolbaşçylaryň saýlanyp alynmagyny doly üpjün etmegi tabşyrdy.
Täze döredilýän edaralaryň düzgünnamalary, gurluşy, wezipe sanawy, işgär sany we möçberleri hem-de wezipe borçlary degişli tertipde tassyklanmalydyr.
