Russiýanyň futbol boýunça milli ýygyndysy Merkezi Aziýanyň Futbol Assosiasiýasynyň (CAFA) birinji çempionatynda çykyş eder. Bu barada RIA Nowosti agentligine Täjigistanyň Futbol Federasiýasynyň metbugat gullugynyň başlygy Faridun Saliýew habar berdi.
CAFA ýaryşy 2014-nji ýylda döredildi. Assosiasiýa Owganystanyň, Eýranyň, Gyrgyzystanyň, Täjigistanyň, Türkmenistanyň we Özbegistanyň futbol federasiýalary girýär.
“Russiýanyň milli futbol ýygyndysy CAFA-nyň birinji çempionatyna gatnaşar. Toparlaýyn tapgyryň oýunlaryny Daşkentde we Bişkekde geçirmek meýilleşdirilýär” – diýip, Saliýew belledi.
Ýaryş 2023-nji ýylyň 9-njy iýunyndan 21-nji iýuny aralygynda geçiriler.
CAFA-nyň alty agzasynyň ählisi we Russiýanyň milli ýygyndysy ýaryşa gatnaşjakdyklaryny tassykladylar. Şeýle-de, gurama Aziýa toparlaryndan birini çagyrdy. Guramaçylaryň meýilnamalaryna görä, sekiz milli ýygyndy her biri dört topardan ybarat iki topara bölüner. Oýunlar aýlawly ulgam boýunça geçiriler. Birinji orunlary eýelän ýygyndylar finalda oýnar. Ikinji bolan toparlar bolsa üçünji orun üçin oýunda duşuşarlar.
