Türkmenistanda saýlawlary we sala salşyklary geçirmek boýunça Merkezi Toparynyň başlygy Gulmyrat Myradow Aşgabatda GDA-nyň Baş sekretarynyň orunbasary Ilham Nematow bilen synçylaryň missiýasynyň ştabynyň açylmagy mynasybetli duşuşyk geçirdi.
GDA-dan synçylar topary Türkmenistanda Mejlisiň ýedinji çagyrylyşynyň deputatlarynyň saýlawlarynyň taýýarlyk işlerine hem-de geçirilişine gözegçilik etmäge girişdiler. Bu barada ORIENT agentligi Arkalaşygyň metbugat gullugyna salgylanyp habar berdi.
G.Myradow saýlawlara taýýarlygyň gidişi hem-de bu babatda ýerine ýetirilýän çäreler barada habar berdi. Öz gezeginde, Ilham Nematow toparyň saýlawlary gurnamak we geçirmek babatynda halkara hukugynyň umumy kabul edilen düzgünlerine we kadalaryna esaslanyp, öz wezipelerini Türkmenistanyň kanunlaryna laýyklykda berk ýerine ýetirjekdigine ynandyrdy.
Häzirki wagtda missiýanyň düzüminiň düzülmegi dowam edýär. Oňa GDA agza-ýurtlaryň wekilleriniň, GDA agza döwletleriň Parlamentara Assambleýasynyň we Arkalaşygyň ýerine ýetiriji komitetiniň wekilleriniň girmegine garaşylýar.
Türkmenistanda deputat saýlawlary 26-njy martda geçiriler.
