Türkmenistandan Özbegistan Respublikasyna suwuklandyrylan gazyň ugradylmagynyň yzysüre, goňşy ýurtdan biziň ýurdumyza tiz lukmançylyk kömegini amala aşyrmaga niýetlenilen awtoulaglar iberildi.
Volkswagen Caddy kysymly 20 sany tiz lukmançylyk awtoulaglary 7-nji fewralda Daşoguz welaýatyna gelip gowuşdy.
Dabaraly çäre Horezm welaýatyny Türkmenistanyň Daşoguz welaýaty bilen birleşdirýän «Şawot» serhet gümrük nokadynda geçirildi.
Türkmenistan bilen Özbegistan Respublikasynyň arasynda diplomatik gatnaşyklaryň ýola goýulmagynyň 30 ýyllygyna gabat gelýän bu ajaýyp işler iki goňşy halky birleşdirýän, asyrlaryň dowamynda ýola goýlan özara hoşniýetli erke esaslanan netijeli döwletara gatnaşyklarynyň özboluşly nyşanyna öwrüldi.
