«Türkmengaz» döwlet konserni dost-doganlyk kömegi hökmünde Özbegistan Respublikasyna degişli möçberdäki suwuklandyrylan gazy muzdsuz berer. Bu barada degişli Buýruga Türkmenistanyň Prezidenti Serdar Berdimuhamedow gol çekdi.
Bellenilişi ýaly, bu resminama Türkmenistanyň we Özbegistan Respublikasynyň arasyndaky dost-doganlyk, hoşniýetli goňşuçylyk gatnaşyklaryny mundan beýläk-de pugtalandyrmak hem-de Özbegistana dost-doganlyk goldawyny bermek maksady bilen kabul edildi.
Belläp geçsek, dekabr-ýanwar aýlarynda howanyň aşa sowuk bolmagy netijesinde Özbegistanda gazyň hem-de elektrik energiýasynyň sarp edilişi birden artdy. Ýurduň şäherleriniň hem-de ilatly nokatlarynyň ählisinde diýen ýaly ýyladyş we elektrik energiýasynyň üpjünçilik ulgamlarynda meseleler ýüze çykdy.
