Hytaýda alymlar ýylda 18 tonna çenli süýt berip bilýän ýokary öndürijilikli golştin tohumly sygry ilkinji gezek klonlaşdyrdylar.
Global Times gazetiniň habaryna görä, Hytaýyň Demirgazyk-günbatar oba we tokaý hojalygy uniwersitetiniň biologlary tarapyndan üç sany golştin tohumly göle klonlaşdyryldy. Olar malyň somatik gulak öýjükleriniň ýadrosyny geçirmek usulyny ulandylar.
Alymlar toparynyň ýolbaşçysy Szin Ýapiniň pikiriçe, geçirilen synag Hytaýyň maldarçylyk pudagynyň dikeldilmegi üçin möhüm ähmiýete eýe. Häzirki wagtda Hytaý köp süýt berýän tohumly sygyrlaryň 70% -ini daşary ýurtlardan satyn alýar diýip, ol belledi.
Hytaýly alymlar iki-üç ýylyň içinde 1000-den gowrak "supersygyrly" sürini ösdürip ýetişdirmegi meýilleşdirýärler diýip, Ýapin gürrüň berdi. Biologlaryň garaşyşy ýaly, bu mallar Hytaýa daşary ýurtlardan sygyr getirilmegine garaşlylyk meselesini çözmäge kömek etmelidir.
