Ýewropaly molekulýar biologlar süýt beloklarynyň kofe kislotasynyň we kofe dänesinde bar bolan beýleki antioksidantlaryň täsirini ýokarlandyrýandygyny anykladylar. Bu çişmäniň has işjeň öňüni almaga we immun öýjükleriniň işlemegini kadalaşdyrmaga kömek edýär. Bu iş Journal of Agricultural and Food Chemistry žurnalynda çap edildi. Kopengagen uniwersitetiniň metbugat gullugy netijeleri duşenbe güni habar berdi.
Kofe dänesinde diňe bir kofein däl, eýsem köp antioksidantlar hem bar. Nazaryýetde olaryň bedene düşmegi ötüşen çişli ojaklaryň basylmagyna oňyn täsirini ýetirýär, şeýle hem immun öýjükleriniň we adam bedeniniň dürli dokumalarynyň ýagdaýyny gowulandyrýar. Alymlar kofe antioksidantlarynyň adamlaryň saglygyna näderejede täsir edýändigi bilen köpden bäri gyzyklanyp gelýärler.
Professor Lund we onuň kärdeşleri kofe antioksidantlarynyň kuwwatynyň kofeniň nähili görnüşde içilýändigine ýokary derejede baglydygyny anykladylar. Alymlar adamyň immun öýjügini ösdürmek boýunça geçirilen synaglaryň dowamynda kofeniň güýçli antioksidant we rak keseline garşy aýratynlyklary bolan iki komponentine - kofe we hlorogen turşulyklaryna täsir edip, şeýle netijä geldiler.
