24-nji ýanwarda wise-premýer, daşary işler ministri Raşid Meredowyň ýolbaşçylygyndaky türkmen wekiliýeti Özbegistanyň paýtagty Daşkentde geçirilen Ykdysady Hyzmatdaşlyk Guramasyna agza döwletleriň daşary işler ministrleriniň Geňeşiniň 26-njy mejlisine gatnaşdy.
Daşkent duşuşygyna şeýle hem Azerbaýjanyň, Eýranyň, Gazagystanyň, Gyrgyzystanyň, Pakistanyň, Täjigistanyň, Türkiýäniň hem-de Özbegistanyň daşary syýasat edarasynyň ýolbaşçylary gatnaşdylar. Mejlise gatnaşmak üçin şeýle hem Türki döwletleriň guramasynyň baş sekretary Kubanyçbek Omuraliýew, YHG-nyň baş sekretary Hysrow Niziri, şeýle hem birnäçe halkara guramalarynyň ýolbaşçylary çakylyk aldylar.
Mejlise gatnaşyjylar söwda, ulag, maýa goýumlar, «ýaşyl» ykdysadyýet, sanly ulgam, energetika we beýleki ugurlarda döwletleriň arasynda hyzmatdaşlygy mundan beýläk hem ösdürmegiň mümkinçiliklerine seretdiler. Şeýle hem gurama başlyklyk eden döwründe Özbegistanyň işini netijelerine garaldy.
