Geçen hepde Türkmenistanyň Döwlet haryt çig-mal biržasynyň söwdalarynda umumy bahasy takmynan ABŞ-nyň 14 million 754 müň dollaryna barabar bolan 28 sany geleşik hasaba alyndy.
Daşary ýurt puluna Birleşen Arap Emirliklerinden, Beýik Britaniýadan, Türkiýeden, Owganystandan we beýleki ýerlerden gelen işewürler Türkmenbaşynyň nebiti gaýtadan işleýän zawodlar toplumynda öndürilen az kükürtli mazut ýangyjyny, şeýle hem polipropilen (DK «Türkmennebit») satyn aldylar.
Mundan başga-da, daşary ýurt puluna Türkiýäniň telekeçileri tarapyndan pagta ýüplügi satyn alyndy.
Milli manada Türkiýäniň işewür toparlary 17 million 508 müň manatlyk nah ýüplügini satyn aldylar.
Içerki bazar üçin türkmen telekeçileri jemi 22 millon 400 müň manatlyk nebit koksuny (DK «Türkmennebit») satyn aldylar.
