Şu gün, 26-njy dekabrda Prezident Serdar Berdimuhamedow Sankt-Peterburg şäherinde GDA döwletleriniň Baştutanlarynyň däp boýunça her ýylda geçirilýän resmi däl Sammitine gatnaşmak üçin iş sapary bilen Russiýa Federasiýasyna gitdi.
Aşgabadyň Halkara howa menzilinde döwlet Baştutanyny ýurdumyzyň resmi adamlary ugratdylar diýip, TDH habar berýär.
Resmi däl ýagdaýda geçirilýän duşuşyk GDA döwletleriniň ýolbaşçylaryna umumy gyzyklanma bildirilýän halkara derejesindäki birnäçe meseleleri, özara gatnaşyklaryň ugurlaryny ara alyp maslahatlaşmaga mümkinçilik döreder.
Russiýa Federasiýasynyň Prezidenti Wladimir Putiniň çakylygy boýunça geçirilýän sammite şeýle hem Azerbaýjanyň, Belarusuň, Gyrgyzystanyň, Gazagystanyň, Täjigistanyň we Özbegistanyň Prezidentleri, şeýle hem Ermenistanyň premýer-ministri gatnaşar.
