24-nji dekabrda Tokioda daşary işler ministrleriniň «Merkezi Aziýa + Ýaponiýa» formatyndaky duşuşygy geçer. Ol hasap boýunça dokuzynjy duşuşyk bolup, Ýaponiýanyň Daşary işler ministri Haýasi Ýesimasanyň başlyklyk etmeginde Iikura Öýünde geçer. Bu barada Ýaponiýanyň daşary syýasat edarasynyň metbugat beýanynda habar berilýär.
Ýaponiýanyň, Türkmenistanyň, Täjigistanyň, Gazagystanyň, Gyrgyzystanyň, Özbegistanyň baş diplomatlary sebitde durnukly ösüş meselelerini ara alyp maslahatlaşarlar, Owganystandaky ýagdaýa we halkara gün tertibiniň beýleki temalaryna serederler.
Ýaponiýa bu duşuşyga uzak wagtlap taýýarlyk gördi we bu mejlis özara gyzyklanma döredýän ähli ugurlarda anyk hyzmatdaşlyga barýan ýoly bellär diýip umyt edýär diýip, habarda aýdylýar.
«Merkezi Aziýa + Ýaponiýa» forumynyň çäklerinde Ýaponiýanyň daşary işler ministri Merkezi Aziýa döwletlerinden gelen kärdeşleri bilen ikitaraplaýyn gepleşikleri geçirmegi hem meýilleşdirýär. Daşary işler ministrlikleriniň baştutanlary soňky gezek 2019-njy ýylyň maýynda Täjigistanda duşuşypdylar.
