Türkmenistanyň Prezidenti Serdar Berdimuhamedow Gyrgyzystanyň döwlet Baştutany Sadyr Žaparowy doglan güni bilen gutlady.
«Siziň parasatly hem öňdengörüjilikli ýolbaşçylygyňyzda Gyrgyzystan ösüşiniň täze tapgyryna gadam basdy. Ýurtda uly özgertmeler durmuşa geçirilýär, durmuş-ykdysady ösüşler gazanylýar» — diýip, türkmen Lideriniň sözlerini «Kabar» gyrgyz agentligi getirýär.
Türkmenistanyň Prezidenti gutlagynyň ahyrynda Gyrgyzystanyň Liderine berk jan saglygyny, maşgala abadançylygyny, şeýle hem jogapkärli döwlet işinde uly üstünlikleri arzuw etdi.
