Şu gün, 18-nji noýabrda Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow dabaraly ýagdaýda Türkiýäniň Parlamentiniň Başlygy Mustafa Şentopa «Garaşsyz Türkmenistana bolan beýik söýgüsi üçin» diýen ordeni gowşurdy.
Ondan öň, Gurbanguly Berdimuhamedow Mustafa Şentop bilen duşuşygy geçirildi. Duşuşygyň dowamynda parlamentara gatnaşyklary türkmen-türk hyzmatdaşlygynyň möhüm bölegi bolup durýandygy bellenildi. Şunda kanunçykaryjylyk edaralarynyň ugry boýunça özara gatnaşyklaryň işjeňleşdirilmegine, duşuşyklaryň we geňeşmeleriň yzygiderli geçirilmegine zerur üns berilýär. Munuň özi hyzmatdaşlygyň häzirki zaman hukuk binýadyny döretmäge mümkinçilik berýär.
Bellenilişi ýaly, bu sylag Mustafa Şentopa türkmen-türk gatnaşyklarynyň ösdürilmegine yzygiderli üns berýändigini hem-de hyzmatdaşlygyň täze mazmun bilen baýlaşmagyna goşant goşýandygyny göz öňünde tutup gowşuryldy.
Duşuşyk tamamlanandan soň, ikitaraplaýyn resminama gol çekmek dabarasy geçirildi.
