Penşenbe güni, 13-nji oktýabrda Gazagystanyň paýtagty Astana şäherinde Aziýada özara gatnaşyk we ynanyşmagyň ölçegleri boýunça Mejlisiň (AÖGYÖM) VI sammiti açyldy.
Sammitiň barşynda hyzmatdaşlygyň ileri tutulýan ugurlaryny we AÖGYÖM-niň işiniň ileri tutulýan ugurlaryny maslahatlaşmak göz öňünde tutulýar.
Forum Gazagystanyň Prezidentiniň başlyklyk etmeginde geçirilýär. Foruma Gazagystanyň Lideri bilen bir hatarda 11 döwletiň Baştutanlary gatnaşýar: Azerbaýjan, Yrak, Eýran, Katar, Gyrgyzystan, Palestina, Russiýa, Täjigistan, Türkiýe we Özbekistan.
Mundan başga-da, sammite Wýetnamyň wise-prezidenti, HHR-nyň Başlygynyň orunbasary we bäş sany ministr gatnaşýar. Belarus döwleti sammite synçy döwlet hökmünde gatnaşýar.
Umumylykda, sammite 50-ä golaý wekiliýet gatnaşýar. Türkmenistana wise-premýer, daşary işler ministri Raşid Meredow wekilçilik edýär.
Kuweýt AÖGYÖM 28-nji agza döwlet hökmünde goşuldy. Bu barada sammitiň barşynda Gazagystanyň Prezidenti Tokaýew habar berdi.
