6-njy sentýabrda Türkmenistanyň Daşary işler ministrliginde Ministrler Kabinetiniň Başlygynyň orunbasary, daşary işler ministri Raşid Meredow bilen HHR-iň Hökümetiniň Ýewraziýanyň işleri boýunça Ýörite wekili Li Hueýiň arasynda duşuşyk geçirildi. Bu barada TDIM-niň Metbugat gullugy habar berýär.
Duşuşygyň dowamynda taraplar Türkmenistan bilen HHR-iň arasyndaky syýasy-diplomatik, söwda-ykdysady we medeni-ynsanperwer gatnaşyklaryň ösdürilmegi boýunça meseleleri ara alnyp maslahatlaşdylar. Şeýle hem Türkmenistan bilen HHR-iň dürli halkara guramalaryň çäklerindäki hyzmatdaşlygynyň oňyn häsiýeti bellenildi.
Taraplar sebit we halkara gün tertibiniň meseleleri, ilkinji nobatda, ählumumy parahatçylygy we howpsuzlygy üpjün etmek boýunça Türkmenistanyň we Hytaýyň garaýyşlarynyň meňzeşdigini hem-de gabat gelýändigini nygtadylar.
