Hytaýda ylmy işler üçin dünýädäki iň kuwwatly magnit işe girizildi

  • 16.08.2022 08:07
  • 8.8k+

Hytaýyň Ylymlar akademiýasynyň güýçli magnit meýdany barlaghanasynyň alymlary ylmy gözlegler üçin dünýäde iň kuwwatly magnitiň döredilendigini habar berdiler. Enjam 45,22 tesla güýji bilen durnukly magnit meýdanyny emele getirýär, bu bolsa Ýeriňkiden million esse güýçlüdir. Şeýle güýji bolan magnit biologiýa, himiýa, ýarym geçirijileriň önümçiligi ýaly ugurlarda adaty we düýpli barlaglary geçirmek üçin zerurdyr. Indi Hytaýda şeýle gural bar diýip, 3dnews.ru belleýär.

Öň iň kuwwatly magnit 1999-njy ýylda ABŞ-da güýçli magnit meýdanynyň milli barlaghanasynda döredilipdi. Gibrid gurluş 450 000 gauss (45 tesla) güýji bilen magnit meýdanyny döredip, 23 ýyl rekordy saklady. Hytaýyň alymlary diňe bir rekordy täzelemän, eýsem ylmy tejribelerde iş ýüzünde ulanmak üçin gurluşy döretdiler, ABŞ tarapyndan döredilen magnit munuň üçin niýetlenmän, öz bolşuna konsepsiýanyň subutnamasy bolupdy.
Magnit meýdanyny diametri bary-ýogy 33 mm bolan “obýekt” döredýär. Güýji rekord derejede bolan magnitleriň uglerod nanoturbajyklary bilen işlemekde ulanylmagy ýarym geçirijileriň önümçiliginde rewolýusiýa getirip biljek birnäçe açyşlary etmäge mümkinçilik berdi.
Şeýle-de, kuwwatly magnitler biologiýada hem işläp, adaty keselleri bejermekden başlap, onkologiýa keselleri bilen göreşe we hatda organizmiň garrama meselesini çözmeklige çenli adam saglygy we durmuşy ugrunda birnäçe açyşlara mümkinçilik berýär.


düýn 13:04
2.2k+

Awstraliýada adam derisine has ýakyn deri nusgalary ösdürilip ýetişdirildi

Kwinslend uniwersitetiniň ýanyndaky Freýzer institutynyň barlaghanasyndan awstraliýaly alymlar ilkinji gezek doly derejede adam derisiniň gurluşyny gaýtalaýan deri nusgalaryny ösdürip ýetişdirdi. Bu barada ABC ýaýlym korporasiýasy habar berdi...

23.08.2025 12:32
5.2k+

Alymlar žiraflary dört görnüşe böldi

Halkara tebigaty goramak birleşigi (IUCN) žiraflary resmi taýdan dört görnüşe böldi. Ozal olaryň hemmesi bir görnüş diýlip hasaplanýardy diýip, Bi-bi-si belleýär. Indi ylym şu aşakdakylary tapawutlandyrýar: Demirgazyk...

21.08.2025 16:21
1.5k+

Kosmosdaky ilkinji EA kömekçisi: Hytaý orbita “Ukun” ulgamyny çykardy

“Týangun” stansiýasyndaky hytaý astronawtlary ilkinji emeli aň kömekçisini aldylar. Ýerli açyk modeliň esasynda döredilen “Ukun” atly ulgam täze skafandrlar, miweler we beýleki ätiýaçlyklar bilen “Týançžou-9” ýük gämisi arkaly stansiýa eltildi...

20.08.2025 14:19
10k+

Hytaýda robot balygyň kömegi bilen umman çuňluklary öwrenilip başlandy

Harbiniň inženerlik uniwersitetiniň (Hytaý) ylmy gözlegçileri ummanyň energiýasynyň hasabyna hereket edýän ýumşak robot balygy döretdi. Ol umman ýaşaýjylaryna zyýan ýetirmezden onuň çuňluklaryndaky ýaşaýşy öwrenmek üçin niýetlenýär...