Twitter kompaniýany satyn almak baradaky şertnamanyň ýerine ýetirilmegini gazanmak üçin Ilon Masky kazyýete bermekçi bolýar. Bu barada onuň müdirler geňeşiniň başlygy Bret Teýlor habar berdi diýip, TASS belleýär.
Anna güni amerikaly telekeçiniň hukukçylary kompaniýany satyn almak baradaky şertnamany ýatyrýandyklaryny habar berdiler. “Twitter jenap Mask bilen ylalaşylan baha we şertlere görä şertnamanyň ýapylmagyna sezewar edildi we birleşmek baradaky şertnamanyň ýerine ýetirilmegi üçin kazyýete ýüz tutmagy meýilleşdirýär” – diýip, ol Twitter-de ýazdy we bu kazyýet işinde ýeňiş gazanjakdyklaryna ynanýandygyny sözüniň üstüne goşdy.
Öň, şertnamanyň şertlerine laýyklykda, şertnama ýatyrylan halatynda telekeçiniň kompaniýa, takmynan, 1 mlrd dollar kompensasiýa tölemelidigi habar berildi.
Aprel aýynda kompaniýanyň ýolbaşçylygy Maskyň sosial ulgamyny 44 mlrd dollara satyn almagy teklip edendigini habar berdi. Maý aýynda telekeçi galp we mahabat habarlaryny köpçülikleýin ýaýratmak üçin ulanylýan hasabat ýazgylarynyň olaryň Twitter-däki umumy sanynyň 5%-den hem az bölegini düzýändigini tassyklaýan maglumaty almaga synanyşýandygyny aýtdy. Şertnamanyň ýatyrylýandygy baradaky habarda “Twitter-de bu mesele boýunça doly maglumatyň berilmändigi we onuň garaşsyz baha bermek üçin ýeterlik däldigi aýdylýar”. Mundan başga-da, telekeçiniň hukukçylary kompaniýanyň Maska Twitter-iň doly maliýe hasabatyny we maliýe modeli boýunça resminamalary bermändigini bellediler.
Mask Tesla we SpaceX kompaniýalarynyň ýolbaşçysydyr. Bloomberg agentliginiň hasabyna görä, telekeçi dünýäniň iň baý adamlarynyň sanawynda birinji orny eýeleýär. Onuň baýlygy $214 mlrd barabar.
