Serdar Berdimuhamedow Eýranyň parlamentiniň ýolbaşçysy bilen duşuşdy

  • 16.06.2022 07:56
  • 6.7k+
Serdar Berdimuhamedow Eýranyň parlamentiniň ýolbaşçysy bilen duşuşdy

15-nji iýunda günüň ikinji ýarymynda Tähranda bolýan Prezident Serdar Berdimuhamedow Eýran Yslam Respublikasynyň Yslam Şurasy Mejlisiniň Başlygy Mohammed Bager Galibaf bilen gepleşikleri geçirdi. Oňa ýurdumyzyň Hökümet wekiliýetiniň degişli agzalary hem gatnaşdylar.

Duşuşygyň başynda döwlet Baştutanymyz jenap Mohammed Bager Galibafa Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedowyň mähirli salamyny ýetirdi we ony ýakynda Eýran Yslam    Respublikasynyň Yslam Şurasy Mejlisiniň Başlygy wezipesine saýlanmagy bilen gutlady.

Hormatly Prezident türkmen-eýran gatnaşyklarynyň häzirki ýagdaýy barada aýdyp, ikitaraplaýyn hyzmatdaşlygy gyzyklanma bildirilýän ähli ugurlarda mundan beýläk-de giňeltmek üçin ýeterlik mümkinçilikleriň bardygyny belledi. Nygtalyşy ýaly, ikitaraplaýyn gatnaşyklaryň möhüm ugurlarynyň biri iki ýurduň kanun çykaryjy edaralarynyň arasynda alnyp barylýan hyzmatdaşlykdyr. 2021-nji ýylyň mart aýyndan Türkmenistanda iki palataly parlament ulgamy hereket edip başlady. Şunuň bilen baglylykda, parlamentara hyzmatdaşlygyň iki ýurduň arasyndaky gatnaşyklaryň ösmegine goşant goşýandygyny nazara alyp, türkmen-eýran parlamentara duşuşyklaryny geçirmek we özara tejribe alyşmagy ýola goýmak teklip edildi.


düýn 09:50
1.4k+

Türkmenistan we Täjigistan söwda-ykdysady hem-de maýa goýum hyzmatdaşlygyny maslahatlaşýar

20-nji noýabrda Duşenbe şäherinde Türkmenistan bilen Täjigistan Respublikasynyň daşary syýasat edaralarynyň arasynda syýasy geňeşmeler geçirildi. Bu barada Türkmenistanyň DIM-niň metbugat gullugy habar berýär....

düýn 09:40
953

Aşgabatda BMG-niň Baş sekretarynyň Ýörite wekili bilen duşuşyk geçirildi

Türkmenistanyň daşary işler ministriniň orunbasary Mähri Bäşimowa BMG-niň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze bilen...

düýn 00:17
2.4k+

Moskwada Ispaniýanyň Türkmenistanda täze bellenen ilçisi bilen duşuşyk geçirildi

Türkmenistanyň Russiýa Federasiýasyndaky ilçisi Esen Aýdogdyýew Ispaniýa Patyşalygynyň Türkmenistanda täze bellenilen ilçisi Rikardo Martines Waskes bilen duşuşdy. Bu barada RF-däki türkmen ilçihanasynyň resmi...

19.11.2024 13:02
2.1k+

Bosniýa we Gersegowinanyň Türkmenistandaky ilçisi Mejlisiň Başlygyna ynanç hatyny gowşurdy

18-nji noýabrda Prezident Serdar Berdimuhamedowyň tabşyrygy boýunça Mejlisiň Başlygy D.Gulmanowa Bosniýa we Gersegowinanyň Türkmenistandaky Adatdan daşary we Doly ygtyýarly ilçisi jenap Niýaz Çardakliýadan ynanç...