Russiýa Türkmenistana maýmyn mamasyny ýüze çykarmak üçin test-ulgamlaryny berer

  • 10.06.2022 17:29
  • 34k+

Rospotrebnadzor maýmyn mamasyny ýüze çykarmak üçin Türkmenistana test-ulgamlaryny berer we maslahat beriş ýardamyny eder diýip, RIA Nowosti agentligi edaranyň metbugat gullugyna salgylanyp habar berýär. 

Rospotrebnadzoryň ýolbaşçysy Anna Popowa Türkmenistanyň Saglygy goraýyş we derman senagaty ministri Nurmuhammet Amannepesow bilen duşuşyk geçirdi.

«Dünýä ýurtlarynyň ençemesinde maýmyn mamasynyň ýüze çykarylmagy bilen baglylykda, Rospotrebnadzor Türkmenistandan kärdeşlerine bu keseli anyklamak üçin «Wektor» ylmy merkezi tarapyndan işlenilip düzülen test-ulgamlaryny gowşurar, şeýle hem maslahat beriş işini amala aşyrar» - diýlip habarda aýdylýar.

Metbugat gullugynyň habar bermegine görä, Rospotrebnadzor täze we gaýtadan döreýän ýokanç keselleriniň öňüni almak we anyklamak meseleleri boýunça türkmen hünärmenleri üçin hünär kämilligini ýokarlandyryş okuwlaryny gurar.


21.10.2025 11:07
7.7k+

Türkmenistanda brusellýozyň öňüni almak, anyklamak we gözegçilik boýunça okuw türgenleşigi geçirilýär

20–24 oktýabr aralygynda Türkmenistanda brusellýozyň öňüni almak, anyklamak we gözegçilik etmek boýunça okuw türgenleşigi geçirilýär. Bu barada Türkmenistanyň Oba hojalyk ministrliginiň Döwlet weterinariýa gullugy habar berdi...

20.10.2025 11:21
13k+

Adamyň garramagy jyns taýdan ýetişenden soň başlanýar — nemes alymlarynyň täze açyşy

Nemes alymlary adam bedeniniň garrymagynyň ribosom DNK (rDNT) bilen baglydygyny ýüze çykardylar. Bu DNK bölegi öýjükleriň ýaşamagy üçin zerur bolup, olaryň işjeňligini üpjün edýär. Barlagyň netijeleri Aging-US žurnalynyň sahypasynda çap edildi...

20.10.2025 11:16
2.7k+

Täze doglan çagalarda diabetiň täze görnüşi anyklandy

Alymlar täze doglan çagalarda diabetiň öň mälim bolmadyk görnüşini ýüze çykardylar. Ol TMEM167A atly geniň mutasiýasy bilen baglydyr. Journal of Clinical Investigation (JCI) žurnalynyň habaryna görä, bu mutasiýa insulin öndürýän aşgazanasty mäziniň β- öýjükleriniň işini bozýar we olaryň heläk bolmagyna getirýär...

12.10.2025 22:39
2k+

AstraZeneca-nyň taýýarlan täze derman serişdesi durnukly gipertoniýaly näsaglarda gan basyşy peseltdi

AstraZeneca farmasewtika kompaniýasy täze taýýarlan baxdrostat atly eksperimental serişdesiniň soňky kliniki synaglardan üstünlikli geçendigini we bejermesi kyn gipertoniýaly näsaglarda gan basyşy peseltmäge kömek edendigini mälim etdi...