10-njy martda Türkmenistanyň daşary işler ministri Raşid Meredowyň türkmen paýtagtyna sapar bilen gelen Türki Döwletleriň Guramasynyň Ýaşulular geňeşiniň başlygy Binali Ýyldyrym bilen duşuşygy geçirildi. Taraplar bu guramanyň çäklerinde köptaraplaýyn özara hereketleriň giňeldilmegi we pugtalandyrylmagy babatda pikir alyşdylar.
R.Meredow we B.Ýyldyrym türki halklarynyň däp-dessurlarynyň hem-de adatlarynyň derwaýys ähmiýetini nygtadylar. Bu ugurda Türkmenistanyň DIM-niň ýolbaşçysy türkmen tarapynyň Ýaşulular geňeşiniň işine işjeň gatnaşmaga gyzylanma bildirýändigini hem beýan etdi.
Taraplar şeýle-de 12-nji martda geçiriljek Türkmenistanyň Prezidentiniň saýlawlaryna taýýarlyk görmegiň we onuň geçirilmeginiň çäklerinde Türki Döwletleriň Guramasynyň synçylarynyň topary bilen özara hereket etmegiň meselelerine-de aýratyn üns berdiler.
