31-nji ýanwarda Pakistan Yslam Respublikasynyň Daşary işler ministrliginde Türkmenistanyň daşary işler ministriniň orunbasary W.Hajiýewiň ýolbaşçylygyndaky wekiliýetiň Pakistanyň Daşary işler ministrliginiň sekretary (ministriň orunbasary) Sohail Mahmud bilen duşuşygy geçirildi.
Taraplar iki ýurduň arasyndaky syýasy-diplomatik, söwda-ykdysady we medeni-ynsanperwer, howpsuzlyk ulgamlary boýunça hyzmatdaşlygy ara alnyp maslahatlaşdylar.
Taraplar şu ýylyň dowamynda bilelikdäki türkmen-pakistan hökümetara toparynyň altynjy mejlisini geçirmegiň maksadalaýyk boljakdygyny bellediler. Şeýle hem taraplar TOPH gaz geçirijisi we TOP elektrik geçirijisi bilen bagly meseleleri ara alyp maslahatlaşdylar.
