Sanly ulgam arkaly geçirilen birinji «Merkezi Aziýa — Hindistan» sammitinde Gyrgyzystanyň Prezidenti Sadyr Žaparow Merkezi Aziýa ýurtlarynda koronawirusa garşy elýeterli we netijeli sanjymlaryň hem-de beýleki bejeriş serişdeleriniň önümçiligini ýola goýmak teklibini öňe sürdi. Bu barada Anadolu agentligi habar berýär.
«Dialoga gatnaşýan ýurtlarda lukmançylyk serişdelerine we «nou-hau-lara» adalatly elýeterlilik pikirini bilelikde ilerletmek üçin mümkinçilik bar — diýip, Žaparow belledi.
Gyrgyz Lideri munuň ýurtlara Covid-19 pandemiýasynyň täsirlerini ýeňip geçmegine kömek etjekdigini belledi. Ol şeýle hem bu ugurda Hindistanyň ägirt uly ylmy-farmasewtiki mümkinçiliklere eýedigini nygtady.
