Tesla we SpaceX kompaniýalaryny esaslandyryjy Ilon Mask McDonald's restoranlaryny tölegi kriptowalýutada almaga çagyryş edenden soň, sişenbe güni Dogecoin kriptowalýutasynyň bahasy 10%-den gowrak ýokarlanyp, 0,148 müň dollara barabar boldy. Bu barada TASS habar berýär.
Amerikaly işewür Twitter sahypasyndaky abunaçylaryna eger-de restoranlar tory Dogecoin-y töleg hökmünde kabul edip başlasalar, onda telewideniýede göni ýaýlymda McDonald's-dan «Heppi mil» iýjekdigine söz berdi.
Bu twit habary neşir edilýänçä, Dogecoin-nyň bahasy 0,136 müň dollardy. Ondan soňra Dogecoin-nyň bahasy 6,83% artyp, 0,141 müň dollar derejesinde saklandy.
Maskyň Twitter çykyşlary kriptowalýutalaryň bahasyna güýçli täsir edýärdi. Mysal üçin, geçen ýylyň 12-nji maýynda ol Tesla-nyň awtomobilleri üçin töleg hökmünde bitkoin almagyny bes etjekdigini yglan etdi. Şol gün, CNBC teleýaýlymynyň maglumatlaryna görä, kriptowalýuta bazarynyň kapitallaşdyrylmasy 365 mlrd dollar azaldy.
Mask Dogecoin barada Twitter sahypasynda mundan öň hem birnäçe gezek oňyn seslenipdi. Apreliň başynda ol «Dogecoin-y Aýa ibermegi wada etdi» maý aýynda bolsa, ol SpaceX-iň 2022-nji ýylda dolulygyna bu kriptowalýuta bilen tölenen şertnama boýunça Aýa emele hemra uçurjakdygyny aýtdy.
