Türki Döwletleriň Guramasynyň Baş diplomatlary Gazagystandaky ýagdaýlary maslahatlaşarlar. Bu barada Türkiýäniň Daşary işler ministrliginiň duşenbe güni ýaýradan pres-relizine salgylanyp, orient.tm maglumat berýär.
Gazagystandaky dowam edýän ýagdaýlary ara alyp maslahatlaşmak maksady bilen, 11-nji ýanwarda Türki Döwletleriň Guramasynyň agza döwletleriniň we synçylarynyň daşary işler ministrleriniň Geňeşiniň adatdan daşary mejlisi geçiriler. Ol guramada başlyklyk edýän ýurt hökmünde Türkiýäniň çagyrmagy boýunça guralar. Habarda bellenilişi ýaly, Türkiýäniň daşary işler ministri Mewlut Çawuşoglunyň başlyklyk etmegindäki mejlis wideoaragatnaşyk görnüşde geçiriler.
Ýeri gelende bellesek, Azerbaýjan, Gazagystan, Gyrgyzystan, Türkiýe we Özbegistan Türki Döwletleriň Guramasynda agza bolup, Türkmenistan we Wengriýa onda synçy derejesine eýedir.
