16-njy iýunda daşary işler ministri Raşid Meredow Gazagystan Respublikasynyň Türkmenistandaky Adatdan daşary we Doly ygtyýarly ilçisi Nurlan Nogaýew bilen duşuşdy. Bu barada DIM-iň metbugat gullugy habar berýär.
Söhbetdeşligiň dowamynda taraplar iki ýurduň daşary syýasat edaralarynyň arasynda yzygiderli gatnaşyklary dowam etdirmegiň ähmiýetini belläp, ikitaraplaýyn hyzmatdaşlygy mundan beýläk-de ösdürmegiň meselelerine garady.
Gepleşikleriň barşynda sebit we halkara gün tertibiniň wajyp ugurlary ara alnyp maslahatlaşyldy. Şeýle hem taraplar Birleşen Milletler Guramasy we beýleki abraýly halkara düzümleriň çäklerinde Türkmenistan bilen Gazagystanyň öňe sürýän başlangyçlaryny özara goldamagy dowam etdirmäge ygrarlydyklaryny tassyklady.
