TmCars.info-nyň ozal habar berşi ýaly, Eýran Yslam Respublikasynda saparda bolýan Türkmenistanyň wekiliýetiniň ýolbaşçysy Serdar Berdimuhamedow ýurduň daşary işler ministri Hosseýn Amir Abdollahiýan bilen duşuşdy. Duşuşyga Türkmenistanyň daşary işler ministri, wise-premýer Raşid Meredow hem gatnaşdy. Bu barada mfa.gov.ir saýtynda habar berilýär.
Duşuşygyň dowamynda ikitaraplaýyn gün tertibiniň ileri tutulýan ugurlary ara alnyp maslahatlaşyldy. Taraplar özara gyzyklanma bildirilýän dünýä we sebit syýasatynyň wajyp meseleleri, hususan-da, ählumumy parahatçylygy, howpsuzlygy we durnukly ösüşi üpjün etmek ugrunda iki ýurduň garaýyşlarynyň meňzeşligi barada aýdyp, syýasy, söwda-ykdysady hem-de medeni-ynsanperwer ulgamlarda ikitaraplaýyn hyzmatdaşlygyň giňeldilmeginiň zerurdygyny nygtadylar.
