Raşid Meredow Yslamabatda pakistanly kärdeşi bilen duşuşdy

  • 19.12.2021 09:18
  • 4.8k+
Raşid Meredow Yslamabatda pakistanly kärdeşi bilen duşuşdy

18-nji dekabrda Türkmenistanyň Prezidenti Gurbanguly Berdimuhamedowyň tabşyrygy boýunça Türkmenistanyň Ministrler Kabinetiniň Başlygynyň orunbasary, daşary işler ministri R.Meredowyň ýolbaşçylygyndaky türkmen wekiliýeti Pakistan Yslam Respublikasynyň paýtagtyna sapar bilen bardy. Onuň çäklerinde Raşid Meredow Pakistan Yslam Respublikasynyň daşary işler ministri Şah Mahmud Kureýşi bilen duşuşyk geçirdi. 

TDIM-niň Metbugat gullugynyň habar berşi ýaly, duşuşygyň dowamynda 28-nji noýabrda türkmen paýtagtynda geçirilen Ykdysady Hyzmatdaşlyk Guramasynyň 15-nji sammitiniň netijeleri ara alnyp maslahatlaşyldy. 

Taraplar, aýratyn-da, söwda-ykdysady ulgamdaky özara hereketlere hem-de onuň strategik esasyny düzýän energetika ulgamyndaky hyzmatdaşlyga aýratyn üns berip, Türkmenistan-Owganystan-Pakistan-Hindistan transmilli gaz geçirijisiniň, Türkmenistan-Owganystan-Pakistan optiki-süýümli aragatnaşyk ulgamynyň we elektrik geçirijisiniň taslamalarynyň durmuşa geçirilmegi boýunça hereketleriň işjeňleşdirilmegi ugrunda alnyp barylýan bilelikdäki işleri ara alyp maslahatlaşdylar.

Türkmenistanyň Ministrler Kabinetinde ýanwar aýynda durmuş-ykdysady ösüşiň jemleri jemlendi
düýn 23:48
2.1k+

Türkmenistanyň Ministrler Kabinetinde ýanwar aýynda durmuş-ykdysady ösüşiň jemleri jemlendi

Prezident Serdar Berdimuhamedow anna güni sanly ulgam arkaly Türkmenistanyň Ministrler Kabinetiniň nobatdaky mejlisini geçirdi. Onda 2026-njy ýylyň ýanwar aýynda alnyp barlan işleriň jemleri jemlendi. Bu barada «Watan» habarlar gepleşiginde habar berildi...

Serdar Berdimuhamedow Täze Zelandiýanyň General-gubernatoryny Waýtangi güni bilen gutlady
düýn 11:56
2.2k+

Serdar Berdimuhamedow Täze Zelandiýanyň General-gubernatoryny Waýtangi güni bilen gutlady

Prezident Serdar Berdimuhamedow Täze Zelandiýanyň milli baýramy — Waýtangi güni mynasybetli General-gubernator hanym Sindi Kiro we ýurduň halkyna tüýs ýürekden gutlaglaryny ýollady. Gutlag hatynda Döwlet Baştutany hanym Sindi Kiro berk jan saglyk, bagtyýarlyk we abadançylyk arzuw etdi...

Türkmenistanyň DIM-inde FAO bilen hyzmatdaşlygyň netijeleri we meýilnamalary maslahatlaşyldy
05.02.2026 23:01
1.5k+

Türkmenistanyň DIM-inde FAO bilen hyzmatdaşlygyň netijeleri we meýilnamalary maslahatlaşyldy

2026-njy ýylyň 5-nji fewralynda Türkmenistanyň Daşary işler ministrliginde ýurduň BMG-niň Azyk we oba hojalyk guramasy (FAO) bilen hyzmatdaşlygyna bagyşlanan brifing geçirildi. Çärä Türkmenistanyň DIM-iniň ýolbaşçylary we işgärleri, ýurtda akkreditirlenen diplomatik wekilhanalaryň, halkara guramalaryň ýolbaşçylary we wekilleri, şeýle hem köpçülikleýin habar beriş serişdeleriniň wekilleri gatnaşdy...

Türkmenistan Bişkekdäki B5+1 forumynyň çäklerinde SpaceX bilen hyzmatdaşlygy maslahatlaşdy
05.02.2026 22:58
2.7k+

Türkmenistan Bişkekdäki B5+1 forumynyň çäklerinde SpaceX bilen hyzmatdaşlygy maslahatlaşdy

2026-njy ýylyň 4-5-nji fewralynda Türkmenistanyň maliýe we ykdysadyýet ministri M. Astanagulowyň ýolbaşçylygyndaky wekiliýet Bişkekde geçirilen ikinji B5+1 işewürlik forumyna gatnaşdy. Forum Merkezi Aziýa ýurtlarynyň we ABŞ-nyň döwlet edaralarynyň hem-de işewürlik toparlarynyň wekillerini ýygnady...