Amerikaly telekeçi, Tesla-nyň ýerine ýetiriji müdiri we SpaceX kompaniýasyny esaslandyryjy Ilon Mask işini taşlap, bloger işine başlamagy meýilleşdirýändigini aýtdy. Bu barada iz.ru habar berýär.
“Men işden çykmak we hemişelik esasda blogerçilik bilen meşgullanmak barada pikirlenýärin” – diýip, ol öz Twitterinde ýazdy. Ol ulanyjylaryň bu babatda nähili pikir edýändikleri bilen gyzyklandy.
Işewüriň abunaçylary onuň pikirine oňyn baha berdiler. Olaryň käbiri Maska şahsy YouTube kanalyny açmagy teklip etdi.
Mundan öňki habarynda telekeçi League of Legends onlaýn kompýuter oýnundan kadr ýerleşdiripdi. Şunuň bilen baglylykda, ulanyjylar Tesla-nyň ýolbaşçysy strimer bolar diýip çakladylar. Bu barada “Gazeta.ru” belleýär.
Belläp geçsek, “Forbesiň” milliarderler reýtinginiň maglumatlary boýunça, 1-nji noýabrda Mask baýlygy 300 mlrd dollardan geçen ilkinji adam boldy. Häzirki wagtda onuň baýlygy 263 mlrd dollar bilen bahalandyrylýar.
