30-njy noýabrda «Merkezi Aziýa – Koreýa Respublikasy» hyzmatdaşlyk forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Täjigistan Respublikasynyň Prezidenti Emomali Rahmon tarapyndan kabul edildi. Söhbetdeşligiň barşynda taraplar golaýda türkmen paýtagtynda geçirilen Ykdysady Hyzmatdaşlyk Guramasynyň 15-nji sammitiniň netijelerini ara alyp maslahatlaşdylar.
Ikitaraplaýyn we köptaraplaýyn gatnaşyklaryň gün tertibiniň derwaýys meselelerine geçmek bilen, taraplar türkmen-täjik özara hereketleriniň yzygiderli ösdürilýändigi nygtadylar.
Taraplar Prezident Gurbanguly Berdimuhamedowyň Täjigistana resmi jogap saparyna toplumlaýyn taýýarlyk bilen bagly meseleleri maslahatlaşdylar.
Ýurtlaryň söwda-ykdysady hyzmatdaşlygynyň ugurlarynyň giňeldilmegine, şol sanda medeni-ynsanperwer gatnaşyklaryň has-da çuňlaşdyrylmagyna ygrarlydyklary hem beýan edildi.
