Kasym-Žomart Tokaýew ýakynda Türkmenistana döwlet sapary bilen geler

  • 13.10.2021 10:53
  • 6.1k+
Türkmenistanyň Prezidenti Gurbanguly Berdimuhamedow Gazagystanyň Prezidenti Kasym-Žomart Tokaýewi Türkmenistana döwlet sapary bilen gelmäge çagyrdy. Türkmen Lideriniň bu çakylygyny Aziýada özara hyzmatdaşlyk we ynamy berkitmek çäreler boýunça Geňeşiniň mejlisine gatnaşýan wise-premýer Raşid Meredow ýetirdi. Bu barada akorda.kz habar berýär. 
12-nji oktýabrda Kasym-Źomart Tokaýew Türkmenistanyň daşary işler ministri R.Meredowy kabul etdi. Gazagystanyň Prezidenti Merkezi Aziýanyň döwlet Baştutanlarynyň Awazada geçirilen üçünji konsultatiw duşuşygynyň sebitleýin hyzmatdaşlygy has-da çuňlaşdyrmak üçin täze mümkinçilikleri açandygyny aýtdy. 
Taraplar ikitaraplaýyn syýasy, söwda we ykdysady gatnaşyklary pugtalandyrmagyň geljegi, şeýle-de howpsuzlygy meselelerini ara alyp maslahatlaşdylar. Türkmenistanda geçiriljek VI Hazar sammitine taýýarlyk onuň esasyny düzdi.
Raşid Meredow Prezident Gurbanguly Berdimuhamedowyň mähirli salamyny ýetirip, Tokaýewiň Türkmenistana döwlet sapary bilen gelmäge çakylygyny gowşurdy. Gazagystanyň Prezidenti ýakyn wagtda Aşgabada sapar bilen barmaga taýýardygyny tassyklady we bu saparyň iki döwletiň arasyndaky strategik hyzmatdaşlygyň ähli ugurlaryna hil taýdan täze itergi berjekdigini nygtady.

düýn 12:10
5.5k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

düýn 12:05
3.5k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...

düýn 11:58
4.1k+

Türkmenistanyň we RF-niň Daşary işler ministrlikleri 2025-2026-njy ýyllar üçin hyzmatdaşlyk Maksatnamasyna gol çekdiler

25-nji iýunda Türkmenistanyň Daşary işler ministrliginde Russiýa Federasiýasynyň daşary işler ministri Sergeý Lawrowyň ýolbaşçylygyndaky wekiliýet bilen duşuşyk geçirildi. Gepleşikleriň gün tertibine döwletara gatnaşyklary mundan beýläk-de ösdürmegiň möhüm meseleleri girizildi...

düýn 11:51
1.6k+

Türkmenistanyň DIM-nde Fransiýanyň senatory bilen duşuşyk geçirildi

25-nji iýunda Türkmenistanyň daşary işler ministriniň orunbasary M.Bäşimowa Fransiýanyň senatory, Fransiýa – Merkezi Aziýa parlament dostluk toparynyň agzasy Samanta Kazebon bilen duşuşdy. Türkmenistanyň DIM-niň...