Türkmenistanyň Prezidenti Gurbanguly Berdimuhamedow Türkmenistanyň saglygy goraýyş we derman senagaty işgärleriniň güni mynasybetli Gutlag iberdi. Onda ynsanyň baş baýlygy bolan saglygy goramakda saglygy goraýyş işgärleriniň zähmetine ýokary baha berilýär.
«Ynsan saglygyny goramak, saglygyň gadyryny bilmek halkymyzyň gadymdan gelýän ýörelgesidir. Baş Kanunymyz bolan Konstitusiýamyzda hem jemgyýetiň we döwletiň iň ýokary gymmatlygynyň adamdygy bellenilýär. Şoňa görä-de, biz berkarar döwletimizde ilatymyzyň saglygyny goramak, ýaşaýyş-durmuş şertlerini gowulandyrmak, saglygy goraýyş we derman senagaty ulgamyny düýpli kämilleşdirmek babatda giň gerimli we tutumly işleri amala aşyrdyk» diýip, türkmen Lideri Gutlagynda «Saglyk» Döwlet maksatnamasyna laýyklykda, milli saglygy goraýyş ulgamyny ösdürmekde halkara hyzmatdaşlygy işjeňleşdirmäge aýratyn üns berilýändigini nygtaýar.
