Tesla we SpaceX kompaniýalarynyň ýolbaşçysy bolan amerikaly telekeçi Ilon Mask dünýäniň iň baý adamlarynyň reýtinginde birinji orny eýeledi. Bu barada sişenbe güni neşir edilen “Forbes” žurnalynyň reýtinginiň maglumatlarynda aýdylýar diýip, TASS habar berýär.
Neşiriň hasaplamasy boýunça, Maskyň baýlygy 203,4 mlrd dollardan gowrak boldy. Reýtingiň ikinji ornuny 197 mlrd dollardan gowrak baýlygy bilen dünýäniň iň uly onlaýn reteýleri bolan Amazon-yň ýolbaşçysy Jeff Bezos eýeleýär. Üçünji orunda 174,9 mlrd dollar bilen Fransiýanyň LVMH (Louis Vuitton Moet Hennessy) kompaniýalar toparynyň baş müdiri Bernar Arno ýerleşýär. Bäşlige 131 mlrd dollar bilen Microsoft korporasiýasyny esaslandyryjylaryň biri Bill Geýts we baýlygy 126 mlrd dollardan geçen Facebook kompaniýasynyň ýolbaşçysy Mark Sukerberg hem girýär.
Žurnalyň bellemegine görä, Mask dünýäde baýlygy 200 mlrd dollara ýeten üçünji adam boldy.
Bloomberg agentligi Maskyň aktiwleriniň umumy bahasyny 213 mlrd dollardan gowrak diýip bahalandyrýar. Agentlik tarapyndan düzülýän dünýäniň iň baý adamlarynyň sanawynda hem Mask Bezosdan öňe geçip, birinji orny eýeleýär.
