Gurbanguly Berdimuhamedow ŞHG-niň ýubileý mejlisinde çykyş etdi

  • 17.09.2021 18:17
  • 21k+

Türkmenistanyň Prezidenti Gurbanguly Berdimuhamedow Täjigistan Respublikasynyň paýtagty Duşenbe şäherinde geçirilýän Şanhaý Hyzmatdaşlyk Guramasyna agza ýurtlaryň döwlet Baştutanlarynyň sammitine hormatly myhman hökmünde gatnaşdy.

Bitaraplyk halkara derejesiniň eýesi hökmünde Türkmenistan ŞHG bilen bilelikde döwrümiziň iň möhüm meselelerini çözmekde, ilkinji nobatda, terrorçylyga, guramaçylykly jenaýatçylyga, neşe serişdeleriniň bikanun dolanyşygyna garşy göreşmekde, şeýle hem maglumat we biologiýa pudagynda hyzmatdaşlyga taýýardyr diýip, Türkmen Lideri çykyşynda belledi.

Gurbanguly Berdimuhamedow Türkmenistan bilen Şanhaý Hyzmatdaşlyk Guramasynyň arasynda köptaraply, yzygiderli we maksada okgunly hyzmatdaşlygyň ýola goýulmagynyň ösüş üçin täze güýçli itergi berip biljekdigine, Ýewraziýa giňişliginiň hemme ýerinde syýasy, ykdysady, durmuş we ynsanperwerlik işleriniň çalt we ýokary hilli bolmagyna goşant goşjakdygyna ynam bildirdi.

Gurbanguly Berdimuhamedow Türkmenistanyň ŞHG bilen hyzmatdaşlyga ýokary baha berýändigini we bu özara gatnaşyklaryň Merkezi Aziýa sebitiniň çalt ösmegi üçin möhüm ähmiýete eýe bolan ulag, logistika we ykdysady merkeze we berk baglanyşyga öwrüljekdigine ynanýandygyny aýtdy.

Täjigistanyň Prezidenti Emomali Rahmonyň başlyklyk etmeginde «Kohi nowruz» köşgünde geçirilýän sammite – Gazagystanyň Prezidenti Kasym-Jomart Tokaýew, Gyrgyz Respublikasynyň Prezidenti Sadyr Žaparow, Pakistanyň Premýer-ministri Imran Han, Özbegistanyň Prezidenti Şawkat Mirziýoýew gatnaşdy.

Russiýanyň Prezidenti Wladimir Putin, Hytaý Halk Respublikasynyň Başlygy Si Szinpin we Hindistanyň Premýer-ministri Narendra Modi onlaýn tertibinde gatnaşan sammitine Belarusyň Prezidenti Aleksandr Lukaşenko, Eýranyň Prezidenti Ebrahim Raisi sammitde öz ornuny aldy.Şeýle hem köp sanly halkara guramalaryň wekilleri gatnaşdy. Mundan baş-da, bu sammite BMG-niň Merkezi Aziýa üçin öňüni alyş diplomatiýasy boýunça Türkmenistandaky sebit merkeziniň ýolbaşçysy Natalýa German, Hytaýyň daşary işler ministri Wan I hem-de Russiýanyň daşary işler ministri Sergeý Lawrow dagy gatnaşdy.


düýn 16:48
10k+

Gurbanguly Berdimuhamedow Türki Döwletleriň Guramasynyň sammitine gatnaşmak üçin Azerbaýjana bardy

Şu gün, 7-nji oktýabrda Türkmenistanyň Halk Maslahatynyň Başlygy Gurbanguly Berdimuhamedow Türki Döwletleriň Guramasynyň döwlet Baştutanlarynyň XII sammitine gatnaşmak üçin, iş sapary bilen Azerbaýjan Respublikasynyň Gabala şäherine geldi...

düýn 06:49
8.4k+

Serdar Berdimuhamedow Wladimir Putini doglan güni bilen gutlady

Prezident Serdar Berdimuhamedow Russiýa Federasiýasynyň Prezidenti Wladimir Putine doglan güni mynasybetli tüýs ýürekden gutlaglaryny we iň gowy arzuwlaryny iberdi. Döwlet Baştutany Türkmenistanyň Russiýa Federasiýasy...

düýn 06:43
7.2k+

Serdar Berdimuhamedow Hatyra güni mynasybetli «Halk hakydasy» ýadygärlikler toplumyna gül goýdy

6-njy oktýabrda Hatyra gününde Prezident Serdar Berdimuhamedow «Halk hakydasy» ýadygärlikler toplumyna gül goýmak hatyra çäresine gatnaşdy. Bu gün 1948-nji ýylyň Aşgabat ýertitremesiniň pidalary hem-de söweş meýdanlarynda wepat bolanlar hatyralandy...

düýn 06:24
1.8k+

Türkmen wekiliýeti Tokioda ylmy-tehniki ugurlarda täze taslamalary maslahatlaşdy

3–4-nji oktýabrda Türkmenistanyň Oguz han adyndaky Inžener-tehnologiýalar uniwersitetiniň rektory G.Mezilowyň ýolbaşçylygyndaky wekiliýeti Ýaponiýanyň Tokio şäherine sapary amala aşyrdy. Saparyň dowamynda wekiliýet Ýaponiýanyň ylmy-tehniki ugrunda iş alyp barýan döwlet edaralarynyň, guramalarynyň we kompaniýalarynyň ýolbaşçylary bilen birnäçe duşuşyklary geçirdi...