Awazada Merkezi Aziýanyň döwlet Baştutanlarynyň konsultatiw duşuşygy tamamlandy

  • 06.08.2021 13:17
  • 18k+

Hazaryň kenarynda «Awaza» Kongresler merkezinde Merkezi Aziýanyň döwlet Baştutanlarynyň konsultatiw duşuşygy öz işini tamamlady.

Duşuşygyň barşynda Merkezi Aziýa döwletleriniň Baştutanlary gazanylan ylalaşyklaryň ýerine ýetirilişiniň netijelerine garadylar. Şeýle hem duşuşygynyň gün tertibine girizilen sebitiň durnukly ösüşi, söwdany ýokarlandyrmak, energiýa pudagynda hyzmatdaşlyk üçin amatly şertleri döretmek, ulag we aragatnaşyk pudagynda hyzmatdaşlygy giňeltmek, pandemiýa garşy göreş tagallalaryny jemlemek ýaly ugurlarda özara pikir alyşdylar.
Duşuşygyň ahyrynda Türkmenistanyň, Gyrgyz Respublikasynyň, Özbegistanyň, Gazagystanyň, Täjigistanyň Prezidentleri Jemleýji resminamanyň kabul etdiler.
Soňra Merkezi Aziýa döwletleriniň Baştutanlarynyň Hormatly nyşany bilen sylaglamak dabarasy geçirildi. Duşuşygyň jemleri boýunça Merkezi Aziýa döwletleriniň Daşary syýasat edaralarynyň ýolbaşçylarynyň metbugat wekillerine ýüzlenmesi boldy.
Öýlän Döwlet Baştutanlary bilelikde Türkmenbaşy Halkara deňiz portunda guralan Merkezi Aziýa ýurtlarynyň milli önümleriniň halkara sergisine baryp görerler.


düýn 15:25
1.2k+

“Türkmenistanyň daşary syýasaty we diplomatiýasy” žurnalynyň täze sany çapdan çykdy

«Türkmenistanyň daşary syýasaty we diplomatiýasy» ylmy-tejribe žurnalynyň nobatdaky sany çapdan çykdy. Onda şu ýylyň üçünji çärýeginde Türkmenistanyň daşary syýasy durmuşynda bolup geçen esasy wakalar barada makalalar berilýär...

düýn 15:12
1.1k+

Türkmenistanyň Mejlisinde Hytaý Halk Respublikasynyň wekiliýeti bilen duşuşyk geçirildi

23-nji oktýabrda Türkmenistanyň Mejlisiniň wekilleriniň Ählihytaý ýygnagynyň Oba hojalygy we oba işleri boýunça Komitetiniň Başlygynyň orunbasary jenap Duan Çunhuanyň ýolbaşçylygyndaky wekiliýeti bilen duşuşygy geçirildi...

düýn 15:07
3.4k+

Türkmenistanyň Prezidenti itşynaslary Türkmen alabaýynyň baýramy bilen gutlady

Prezident Serdar Berdimuhamedow Türkmenistanyň itşynaslaryny, alabaý itleriniň janköýerlerini we ýurdumyzyň halkyny Türkmen alabaýynyň baýramy bilen gutlady. Döwlet Baştutany gutlagynda öý-ojagy, asudalygy goramakda, wepalylykda türkmen alabaýlarynyň tebigy we nusgalyk häsiýetlere eýedigini belläp geçýär...

düýn 15:00
1.7k+

Serdar Berdimuhamedow Gazagystanyň Prezidentini Respublika güni bilen gutlady

Prezident Serdar Berdimuhamedow Gazagystanyň Prezidenti Kasym-Žomart Tokaýewe we ýurduň doganlyk halkyna milli baýram — Respublika güni mynasybetli tüýs ýürekden gutlaglaryny iberdi. Bu barada TDH habar berýär...